31.05.2023

Назіральная камісія абследавала жыллё сацыяльна неабароненых катэгорый грамадзян горада Лепеля

З мэтай папярэджання пажараў і гібелі людзей ад іх назіральныя камісіі працягваюць праводзіць прафілактычную працу на тэрыторыі Лепельскага раёна.

Чарговы рэйд па растлумачэнні грамадзянам патрабаванняў пажарнай бяспекі адбыўся на тэрыторыі горада Лепеля. 

Пад пільную ўвагу членаў назіральнай камісіі трапляюць сацыяльна ўразлівыя катэгорыі насельніцтва - такія, як самотна пражываючыя грамадзяне, адзінокія, інваліды, шматдзетныя сем'і, грамадзяне, якія злоўжываюць спіртнымі напоямі і вядучыя асацыяльны лад жыцця. 

Пры абследаванні домаўладанняў асаблівая ўвага надавалася стану прыбораў ацяплення, газавага і электраабсталявання, наяўнасці і спраўнасці аўтаномных пажарных апавяшчальнікаў. 

З жыхарамі быў праведзены інструктаж аб выкананні правілаў пажарнай бяспекі ў побыце, уручаны  рэкамендацыі па зніжэнні рызыкі ўзнікнення пажараў. 

Недахопы, а іх было няшмат, выяўленыя падчас рэйду, папраўныя і будуць ліквідаваны домаўладальнікамі ў найкарацейшыя тэрміны. Тым, каму гэта магчыма, дапамога будзе аказана тэрытарыяльным цэнтрам сацыяльнага абслугоўвання насельніцтва. 

Ратавальнікі пераканаўча просяць жыхароў раёна прыняць неабходныя меры па прывядзенні ў пажарабяспечны стан сваіх домаўладанняў. Будзьце асцярожныя ў абыходжанні з агнём, не дапускайце курэння ў жылых памяшканнях, выконвайце правілы бяспекі пры эксплуатацыі прыбораў ацяплення і электраабсталявання, не пакідайце дзяцей без нагляду.