19.11.2025

Нягледзячы на восеньскае дажджлівае надвор'е, працягваецца добраўпарадкаванне ў нашым раёне

Так, у раёне Меліярацыі і Поўдзень-1 за сродкі з раённага бюджэту супрацоўнікі КУВП "Бароўка" ўсталёўваюць дзіцячы гульнявы спартыўны комплекс.

Ужо на падрыхтаванай пляцоўцы з'явіліся трэнажоры і элементы яркай гульнявой зоны з атрыбутыкай МНС.

Таксама тут у бліжэйшы час з'явіцца пляцоўка-варкаўт. Гэта сумесны праект райвыканкама і РУП "Белтэлекам".

У апошнія гады варкаўт стаў папулярным спартыўным напрамкам, які дазваляе любому жадаючаму падтрымліваць сябе ў выдатнай фізічнай форме.

У гэтым мікрараёне пражывае шмат дзяцей, таму спартыўна-гульнявы комплекс будзе запатрабаваны.