15.10.2024

"Новыя механізмы падтрымкі інвестпраектаў дазваляюць больш актыўна задзейнічаць прамысловы патэнцыял рэгіёнаў"

Аб гэтым заявіў сёння Міністр эканомікі Рэспублікі Беларусь Юрый Чабатар падчас рабочай паездкі ў Лепель. Разам з кіраўніком эканамічнага ведамства райцэнтр наведалі намеснік старшыні аблвыканкама Анжаліка Нікіціна і намеснік генеральнага дырэктара ААТ "МТЗ" па кіраванні прадпрыемствамі холдынгу "МТЗ-Холдынг" Уладзімір Карпяк.

Рабочая група сустрэлася з працоўным калектывам Лепельскага рамонтна-механічнага завода: азнаёміліся з вытворчасцю, абмеркавалі з работнікамі перспектывы развіцця прадпрыемства, адказалі на пытанні, якія іх цікавяць.

Юрый Чабатар распавёў аб новых механізмах стымулявання інвестыцыйнай дзейнасці, накіраваных на ўмацаванне і развіццё прамысловага патэнцыялу рэгіёнаў

"Дзяржава паслядоўна фарміруе камфортныя ўмовы для стварэння новых і павышэння эфектыўнасці і канкурэнтаздольнасці дзеючых вытворчасцей. І гэта дае свае вынікі. Па выніках 8 месяцаў інвестыцыі ў асноўны капітал растуць з істотным апярэджаннем прагнозу - 107,1%. Выдаткі на тэхналагічнае абнаўленне павялічваюцца яшчэ больш высокімі тэмпамі - 113,3%".

Таксама кіраўнік эканамічнага ведамства зазначыў, што з 1 ліпеня дзейнічаюць прагрэсіўныя механізмы стымулявання інвестыцыйнай дзейнасці. Іх прымяненне дасць магчымасць паскорыць рэалізацыю інвестпраектаў у рэгіёнах.

У графіку працоўнай групы сёння значылася таксама наведванне вытворчага ўчастка ТАА "ЦСК"