19.11.2025

Абласны семінар для работнікаў нагляду і прафілактыкі Віцебшчыны прайшоў у Лепельскім раёне

У пачатку семінара работнікі МНС паўночнага рэгіёна наведалі помнік курсантам і камандзірам Лепельскага пяхотнага і мінамётнага вучылішчаў вёскі Бароўка, дзе ўсклалі кветкі да мемарыяльнага комплексу, а таксама ўшанавалі хвілінай маўчання памяць герояў вайны.

Пленарная частка семінара праходзіла ў актавай зале "Жамчужына".

- Прафілактычная работа ў жыллёвым фондзе з'яўляецца адным з найважнейшых напрамкаў дзейнасці МНС па папярэджанні пажараў у прыватных домаўладаннях і кватэрах, – з уступным словам да ўдзельнікаў семінара звярнуўся першы намеснік начальніка ўстановы "Віцебскае абласное ўпраўленне МНС" Андрэй Гаўрыленка. - Тут важная якасная работа кожнага зацікаўленага суб'екта прафілактыкі.

У рабоце семінара прыняў удзел пракурор Лепельскага раёна Віталь Жыгімонт.