10.11.2025

Восень - самы аптымальны час для зарыблення вадаёмаў, у гэты перыяд тэмпература паветра і вады найлепшыя для акліматызацыі малявак рыбы

Таму сёння было выраблена чарговае зарыбленне возера Бярэшча, размешчанага ў ЭЛПГ "Барсукі".

У вадаём было выпушчана 3200 асобнікаў двухгадовага маладняку карпа, які прыбыў з ААТ "Рыбгас "Волма". Транспарціроўка рыбы ажыццяўлялася ў двух спецыяльных ёмістасцях аўтамабіля, аснашчаных кіслародным абсталяваннем, што дазволіла захаваць здароўе і жыццяздольнасць рыбы на працягу некалькіх гадзін.

Агульная вага выпушчанай рыбы склала 960 кілаграмаў, а сярэдняя маса кожнага асобніка — каля 300 грамаў. Спецыялісты падкрэсліваюць, што зарыбленне карпам спрыяе павышэнню рыбапрадуктыўнасці вадаёма і стварэнню камфортных умоў для рыбалкі. Карп вядомы сваім хуткім ростам, усяеднасцю і высокім попытам сярод рыбакоў. Яго непераборлівасць і здольнасць адаптавацца да розных умоў робяць яго адным з самых распаўсюджаных аб'ектаў для аквакультуры.

Важна адзначыць, што з сённяшняга дня і да 16 лістапада ўключна рыбалка на возеры Бярэшча забароненая. Бярэзінскі біясферны запаведнік нагадвае, што для аматарскай рыбалкі на гэтым вадаёме неабходна абавязкова атрымаць пуцёўку на лоўлю рыбы. За парушэнне прыродаахоўнага заканадаўства прадугледжана адміністрацыйная адказнасць.

Такім чынам, зарыбленне возера Бярэшча не толькі палепшыць экасістэму вадаёма, але і створыць новыя магчымасці для аматараў рыбалкі ў будучыні.

З сённяшняга дня да 16 лістапада ўключна рыбалка на возеры Бярэшча забароненая.