21.10.2024

Паважаныя жыхары Лепельскага раёна! Віншую вас з выдатным святам - Днём бацькі

Гэты дзень яшчэ раз падкрэслівае важнасць умацавання інстытута сям'і. Быць бацькам - гэта самая ганаровая, значная місія мужчыны і асаблівы абавязак. Ён уласным прыкладам выхоўвае ў дзяцей пачуццё адказнасці, гонару, патрыятызму, клопату пра блізкіх, з'яўляецца падмуркам сям'і, настаўнікам і абаронцам.

Мы ганарымся нашымі мужчынамі, якія паспяхова сумяшчаюць працоўную дзейнасць на карысць нашага раёна і ў той жа час актыўна прымаюць удзел у жыцці сваіх дзяцей, лічачы, што бацькоўскі абавязак – забяспечыць падрастаючаму пакаленню яго выключнае права на справядлівае і годнае жыццё.

Ад усёй душы жадаю заўсёды заставацца надзейнай апорай для вашых сем'яў! Моцнага здароўя, поспехаў, дабрабыту вам і вашым блізкім!

Віктар Азаронак, дэпутат Палаты прадстаўнікоў Нацыянальнага сходу Рэспублікі Беларусь