15.07.2025

Пераможца раённага спаборніцтва сярод трактарыстаў-машыністаў сельскагаспадарчай вытворчасці

Пераможцам раённага спаборніцтва сярод трактарыстаў-машыністаў сельскагаспадарчай вытворчасці, першым у раёне здрабніўшым 5 тысяч тон зялёнай масы траў у другой групе тэхнікі ў перыяд нарыхтоўкі кармоў у 2025 годзе, стаў трактарыст-машыніст УП "Пражэктар-Агра" Уладзімір Багдановіч.

Проста ў поле яго прыехала павіншаваць старшыня Лепельскай раённай прафсаюзнай арганізацыі Беларускага прафсаюза работнікаў аграпрамысловага комплексу Наталля Мончык.

Да віншаванняў далучыліся дырэктар прадпрыемства Ягор Віннікаў і прафсаюзны лідар Вольга Атвалко. За дасягненне высокіх паказчыкаў на нарыхтоўцы кармоў Наталля Эрыкасаўна перадавіку ўручыла дыплом і каштоўны падарунак у грашовай узнагародзе. Работы па нарыхтоўцы кармоў працягваюцца.