12.03.2025

Пад Лепелем гарэў аўтамабіль з суседняй краіны

Кіроўца распавёў, што пры руху на прыборнай панэлі загарэўся "чэк-рухавіка", матор перастаў працаваць.

Праехаўшы па інэрцыі метраў сто, аўтамабіль спыніўся. Пад капотам адбылося ўзгаранне. Самастойна патушыць аўтамабіль уладальнік не здолеў і выклікаў супрацоўнікаў МНС. Ратавальнікі ліквідавалі ўзгаранне.

Для высвятлення прычыны пажару ва ўпраўленне ДКСЭ па Віцебскай вобласці была прызначана судовая пажарна-тэхнічная экспертыза.

Судовымі экспертамі ўстаноўлена, што непасрэднай прычынай узнікнення пажару з'явілася ўзгаранне гаручых рэчываў або матэрыялаў у выніку цеплавога ўздзеяння высоканагрэтых паверхняў рухавіка і сістэмы выпуску адпрацаваных газаў аўтамабіля.