07.03.2025

Пад кіраўніцтвам намесніка старшыні райвыканкама Веранікі Хомбак у райвыканкаме прайшла вучоба ідэалагічнага актыву Лепельшчыны

У ліку запрошаных — намеснікі кіраўнікоў, спецыялісты арганізацый раёна і адказныя за ідэалагічную работу ў працоўных калектывах.

З прывітальным словам да прысутных звярнулася Вераніка Аляксандраўна:

У фарміраванні светапогляду грамадзян у калектыве важна ўсё: занятасць у вольны час, здаровы лад жыцця, павышэнне прафесійных ведаў, выкарыстанне магчымасцяў Інтэрнэту, якія фарміруюць сістэму каштоўнасцяў.

У ходзе пасяджэння былі падведзены вынікі работы ідэалагічнай вертыкалі раёна за 2024 год і вызначаны задачы на 2025 год. Пра гэта распавяла начальнік аддзела ідэалагічнай работы і па справах моладзі райвыканкама Святлана Шэвелева.

Закранулі і тэму падрыхтоўкі святкавання 80-годдзя Вялікай Перамогі. Агучаны асноўныя пазіцыі плана мерапрыемстваў, працягнецца работа па добраўпарадкаванні і рэканструкцыі месцаў памяці.