18.07.2025

Наведвальнікі аддзялення сацыяльнай рэабілітацыі, абілітацыі інвалідаў і аддзялення для грамадзян пажылога ўзросту ТЦСАН Лепельскага раёна наведалі з экскурсіяй сталіцу нашай Радзімы – горад Мінск.

Праграма візіту была насычанай і прадуманай, каб кожны ўдзельнік змог атрымаць максімум станоўчых эмоцый і новых ведаў.

Падчас пешаходнай экскурсіі "Мінск ад гісторыі да сучаснасці" лепельчане змаглі дакрануцца да багатай гісторыі горада, прайсціся па яго старадаўніх вулачках, убачыць знакавыя архітэктурныя помнікі і даведацца мноства цікавых фактаў пра Мінск.

Затым удзельнікаў чакала не менш захапляльная экскурсія ў Палац Рэспублікі. Гэта знакавае месца, якое з'яўляецца цэнтрам культурнага жыцця краіны, уразіла ўсіх сваёй архітэктурай, маштабам і атмасферай.

Паездка ў Мінск падарыла наведвальнікам Лепельскага ТЦСАН не толькі новыя ўражанні і веды, але і магчымасць зносін, абмену эмоцыямі і проста прыемнага баўлення часу ў коле аднадумцаў.