25.06.2025

Пажар у Лепельскай ЦРБ

"У выніку парушэння супрацьпажарных патрабаванняў пры ўключэнні электраабсталявання ў дапаможным памяшканні склепа Лепельскай ЦРБ адбылося кароткае замыканне электраправодкі з наступным узгараннем мэблі. Адбываецца распаўсюджванне пажару па ўсёй плошчы памяшкання з вылучэннем прадуктаў гарэння. У выніку чаго прадукты гарэння распаўсюджваюцца па вентыляцыйных і ліфтавых шахтах па паверхах усяго будынка. Маецца адзін пацярпелы, які знаходзіцца ў бытавым памяшканні склепа, а таксама трое пацярпелых на 3 паверсе."

На шчасце, гэта легенда, згодна з якой сёння зацікаўленыя службы правялі тактыка-спецыяльныя вучэнні.

Разам з байцамі РАНС алгарытм дзеянняў адпрацавалі спецыялісты ўстановы аховы здароўя, прадстаўнікі РАУС, Лепельскага раёна газазабеспячэння і электрычных сетак.