06.11.2025

Святочны канцэрт "Са святам, дарагія таварышы!" сабраў лепельчан сёння ў зале ДШМ, дзе прайшло ўрачыстае мерапрыемства, прысвечанае гадавіне Вялікай Кастрычніцкай рэвалюцыі

З прывітальным словам і цёплымі віншаваннямі да жыхароў раёна звярнуўся старшыня раённага Савета дэпутатаў Ігар Урбан. Ён падкрэсліў важнасць захавання гістарычнай памяці і пажадаў усім здароўя, аптымізму і дабрабыту.

Канцэртная праграма стала яркім падарожжам у мінулае і сапраўдным святам для ўсіх пакаленняў. Народны інструментальны ансамбль "Cустрэча", вакальны гурт "Кампанелла", узорны хор "Акварэль" і духавы аркестр "Фартысіма" дарылі гледачам любімыя мелодыі. Са сцэны гучалі як знакавыя песні савецкай эпохі - "I зноў працягваецца бой", "Камсамольцы - добраахвотнікі", так і кранальныя кампазіцыі пра родную зямлю - "Мая Беларусь", "Зямля мая".

Фіналам вечара стала магутная кампазіцыя з выхадам на сцэну ўсіх удзельнікаў канцэрта, якая сімвалізуе адзінства і пераемнасць пакаленняў.

Канцэрт пакінуў ва ўсіх гледачоў пачуццё гонару за нашу гісторыю і ўпэўненасці ў мірнай будучыні роднай Лепельскай зямлі.