15.08.2025

Старшыня Палаты прадстаўнікоў Нацыянальнага сходу, упаўнаважаны прадстаўнік Кіраўніка дзяржавы ў Віцебскай вобласці Ігар Сергяенка сёння з рабочай паездкай знаходзіцца ў Віцебскай вобласці

Спікер Палаты прадстаўнікоў прымае ўдзел у пасяджэнні Лепельскага райвыканкама.

Ігар Сергяенка адзначыў, што па ацэнцы Міністэрства жыллёва-камунальнай гаспадаркі Лепельскі раён план у гэтым паўгоддзі выканаў. Падчас дакладу былі названыя і болевыя кропкі, у тым ліку знос аварыйных будынкаў, які патрабуе сур'ёзных выдаткаў.

Лепельшчына - візітная картка Віцебскай вобласці, звярнуў увагу Старшыня Палаты прадстаўнікоў:

- Мала таго, што вы знаходзіцеся на магістралі, ваш край - азёрны, адзін з найбольш зялёных раёнаў нашай краіны.

Ставіць амбіцыйныя, але дасягаемыя мэты - такі пасыл лепельчанам накіраваў Ігар Пятровіч.