16.12.2024

Набліжаюцца халады, а зіма - раздолле для рыбакоў, якія спяшаюцца на першы лёд

На жаль, менавіта такі лёд тоіць у сабе небяспекі, багатыя самымі сумнымі наступствамі.

Нагадваем, што рашэннем Лепельскага райвыканкама №1239 г. ад 17 лістапада 2023 г. на падставе пункта 35 правілаў аховы жыцця людзей на водах, зацверджаных пастановай Савета Міністраў Рэспублікі Беларусь ад 18 жніўня 2023 г. №543 Лепельскі раённы выканаўчы камітэт ВЫРАШЫЎ:

Устанавіць забарону выхаду на лядовае пакрыццё паверхневых водных аб'ектаў Лепельскага раёна ў перыяды ўтварэння і (або) разбурэння лядовага пакрыцця, а таксама пры недасягненні таўшчыні крышталічнага лядовага пакрыцця 7 сантыметраў (для аднаго чалавека).

Час ледаставу для выратавальнай службы - галаўны боль. На вадаёмах Лепельскага раёна работнікі ТРВОДа ўжо ўсталёўваюць шыльды, якія інфармуюць аб забароне выхаду на лёд.