27.09.2024

Раніца пятніцы ў калектыве філіяла "Лепельскі МКК" сёння пачалася не са звыклага працоўнага рэчышча, а з сур'ёзнай і слушнай гутаркі

Тэма - экстрэмізм. Цяпер, напярэдадні вялікай электаральнай кампаніі, гэтая тэма вострая, як ніколі. Урокі засвоены, але аказваецца, не ўсімі.

У чарговы раз нагадаць, папярэдзіць і дастукацца да кожнага ў калектыў прыбылі кіраўнік раёна Міхаіл Кісялевіч і старшыня суда Лепельскага раёна Міхаіл Юрчанка.

У першую чаргу, быў зроблены акцэнт на выкананні інфармацыйнай "гігіены".

Што такое экстрэмізм, чаму рэпост, лайк і падпіска ў дачыненні да суполак, прызнаных экстрэмісцкімі, з'яўляецца парушэннем заканадаўства? На гэтыя пытанні старшыня суда даў вычарпальныя адказы.

А калі лайк выпадковы? - паступіла пытанне ад аўдыторыі.

Адказ быў просты.

Калі вы змаглі стварыць свой акаўнт, актыўна ім карыстаецеся, то і абавязаны ведаць, што можна зрабіць у сацыяльнай сетцы, а што нельга.

Пракаментаваў тэму і кіраўнік раёна Міхаіл Кісялевіч.

Кажу адкрыта - спробы праявы экстрэмізму будуць спыняцца хутка.

Настойліва рэкамендую быць законапаслухмянымі грамадзянамі, паважаць нормы паводзін краіны, у якой вы жывяце, і перш чым нешта здзейсніць, добра падумайце.