20.05.2025

Раённы камітэт ГА БРСМ набірае байцоў у студатрады!

Так, з навучэнцамі Лепельскага дзяржаўнага аграрна-тэхнічнага каледжа прайшло мерапрыемства ў рамках промапраекта "Выбіраем студатрад".

Промапраект накіраваны на захаванне традыцый студатрадаўскага руху, прыцягненне студэнтаў да ўдзелу ў беларускіх студэнцкіх атрадах і развіццё маладзёжнай ініцыятывы.

Як адзначыла маладзёжны лідар раёна Кацярына Бараноўская, сёлета на Лепельшчыне, як і заўсёды, будуць працаваць некалькі студэнцкіх атрадаў рознага профілю. Рух будзе арганізаваны на базе прадпрыемстваў будаўнічага, сельскагаспадарчага, экалагічнага, педагагічнага і іншых профіляў.

- Калі хочаце стаць байцом студатрада, атрымаць першы досвед працы і завесці новых сяброў, то смела далучайцеся. Для гэтага вам трэба падпісацца на наш Instagram brsm_lepel і пакінуць заяўку ўдзельніка студатрада, або патэлефанаваць па тэлефоне 6-89-48, - патлумачыла першы сакратар РК ГА БРСМ.