06.11.2025

З 3 па 8 лістапада 2025 года на базе 9 устаноў адукацыі раёна працуюць лагеры з дзённым знаходжаннем, дзе аздараўляюцца 310 дзяцей

У гэты перыяд яны не будуць сядзець за партамі, а весела правядуць канікулы. Праграма насычаная: асаблівы акцэнт зроблены на фарміраванні здаровага ладу жыцця, а таксама на бяспецы непаўналетніх.

Рабят таксама чакаюць тэматычныя мерапрыемствы, розныя конкурсы, квэсты, віктарыны і іншыя забавы. Акрамя гэтага, дзеці атрымліваюць трохразовае харчаванне ў выглядзе сняданку, абеду і падвячорку. Рацыён абавязкова ўключае свежую гародніну і садавіну.

Восеньскія канікулы на Лепельшчыне могуць быць не толькі адпачынкам, але і часам карысных спраў і набыцця новых ведаў.