06.11.2025

З Днём Кастрычніцкай рэвалюцыі!

Дарагія лепельчане! Сардэчна віншуем вас з Днём Кастрычніцкай рэвалюцыі.

Мінула больш за сто гадоў з моманту падзей Вялікага Кастрычніка, а яго ідэалы па-ранейшаму актуальныя і значныя.

Для нашай краіны гэта лёсавызначальная дата. Нягледзячы на розныя сучасныя ацэнкі, гэта гістарычная падзея ператварыла ў жыццё такія асноўныя прынцыпы, як права нацый на самавызначэнне, павага да людзей працы, сацыяльная справядлівасць.

За наступнае пасля 1917 года стагоддзе беларускі народ стварыў моцную эканамічную базу, якая з'явілася адной з асноў устойлівага паступальнага руху наперад. Гэтае свята - сімвал пераўтварэння жыцця, памяць аб энтузіязме найбуйнейшых будоўляў, пакланенне перад мужнасцю тых, хто абараняў Радзіму, хто верыў у светлую будучыню і ішоў на подзвіг у імя ідэі.

Пераважная большасць насельніцтва Зямлі імкнецца да сацыяльнай справядлівасці, але многія краіны да гэтага часу сутыкаюцца з сучаснымі формамі эксплуатацыі і прыгнёту, культурнай экспансіяй, эканамічнымі санкцыямі і палітычным шантажом.

Таму нам нельга забыць, што Кастрычніцкая рэвалюцыя адкрыла новую старонку ў айчыннай гісторыі, паслужыўшы імпульсам для развіцця нацыянальнай беларускай дзяржаўнасці. Пераадолеўшы ў нялёгкім дваццатым стагоддзі шматлікія выпрабаванні, раскрыўшы патэнцыял творчасці і стварэння, беларусы занялі годнае месца ў вялікай сям'і народаў свету.

Сёння незалежная Беларусь ганарыцца сацыяльна арыентаванай эканомікай, эфектыўнай сістэмай дзяржаўнага кіравання, развітай адукацыяй, навукай, медыцынай і культурай. Рэспубліка працягвае ўпэўнена ісці па шляху прагрэсу, дамагаючыся ўсё новых поспехаў у пабудове грамадства, дзе галоўнай дзеючай асобай быў і застаецца чалавек. У вырашэнні такой важнай агульнадзяржаўнай задачы ёсць важкі ўклад і нашай Лепельшчыны.

Перакананыя, што, ведаючы сваё мінулае, абараняючы гістарычную праўду, паважаючы і прымнажаючы дасягненні ранейшых пакаленняў, мы ствараем мірную будучыню для нашых дзяцей і ўнукаў.

У гэты святочны дзень жадаем усім жыхарам раёна моцнага здароўя, аптымізму, дабрабыту і новых працоўных дасягненняў. Няхай шчырая любоў да Радзімы дае вам сілы і энергію, натхняе на новыя здзяйсненні ў імя любімай Беларусі.

Са святам!

Лепельскі раённы выканаўчы камітэт
Лепельскі раённы Савет дэпутатаў