12.05.2025

Сёння таксама былі ўручаны ўзнагароды пераможцам конкурсу на лепшую арганізацыю ідэалагічнай работы ў працоўных калектывах Лепельскага раёна за 2024 год

У сферы прамысловасці перамогу атрымаў калектыў філіяла "Лепельскі МКК".

У сферы сельскагаспадарчай вытворчасці - калектыў камунальнага ўнітарнага вытворчага сельскагаспадарчага прадпрыемства "Лепельскае".

У сферы культуры 1 месца заваяваў калектыў дзяржаўнай установы культуры "Лепельская дзіцячая школа мастацтваў".

У сферы адукацыі - калектыў гімназіі імя І.М. Ярашова г. Лепеля.

Падзячныя лісты старшыні Лепельскага раённага выканаўчага камітэта былі ўручаны пераможцам рэспубліканскіх алімпіяд па вучэбных прадметах у 2024/2025 навучальным годзе.

За перамогу на абласным і заключным этапах рэспубліканскай алімпіяды па біялогіі ўзнагародзілі Каротчык Вікторыю, навучэнку 9 класа, і Шарко Кацярыну Уладзіміраўну, настаўніка гімназіі імя І.М. Ярашова г. Лепеля.

За перамогу на абласным і заключным этапах рэспубліканскай алімпіяды па беларускай мове ўзнагародзілі Палонскую Сафію, навучэнку 10 класа, і Зарэцкую Вольгу Аляксандраўну, настаўніка сярэдняй школы № 1 г. Лепеля

За перамогу на абласным этапе рэспубліканскай алімпіяды па фізічнай культуры і здароўю таксама ўзнагародзілі Баравік Дзіяну, навучэнку 11 класа, і Плігаўку Уладзіміра Міхайлавіча, настаўніка гімназіі імя І.М. Ярашова г. Лепеля.

Таксама былі агучаны імёны пераможцаў раённага агляду-конкурсу на лепшае афармленне будынкаў і тэрыторый у рамках святкавання 80-годдзя Перамогі ў Вялікай Айчыннай вайне.

1 месца - Бароўская сярэдняя школа.

2 месца - Цэнтралізаваная бібліятэчная сістэма.

3 месца - Лепельскі раённы Дом культуры.