17.01.2025

Семінар-нарада з прадстаўнікамі штабоў добраахвотных дружын Віцебскай вобласці адбыўся ў аблвыканкаме

Мерапрыемства сабрала ўдзельнікаў з усіх рэгіёнаў Віцебшчыны. Лепшыя арганізатары работы добраахвотных дружын былі адзначаны падзякамі і граматамі абласнога выканаўчага камітэта і ўпраўлення ўнутраных спраў. Дарэчы, усяго ў вобласці нясуць грамадскую работу больш за 2800 дружыннікаў.

Сярод узнагароджаных за добрасумленнае выкананне абавязкаў у складзе Добраахвотнага атрада - інжынер па ахове працы філіяла Лепельскі хлебазавод ААТ "Віцебскхлебпрам" Таццяна Цеплякова.

- Ужо на працягу 15 гадоў я з'яўляюся камандзірам добраахвотнай дружыны на сваім прадпрыемстве, дзе працую больш за 23 гады. Як і мае калегі, дружыннікам стала дзякуючы актыўнай жыццёвай пазіцыі: вельмі хочацца, каб людзі адчувалі сябе спакойна і бяспечна ў любым месцы і любы час сутак, каб законы і парадак у нашай краіне не парушаліся, – паведаміла дружынніца.