16.08.2024

Сёння з прыемнай місіяй наведаў наш раён Сяргей Вовк, старшыня Віцебскага абласнога камітэта Беларускага прафсаюза работнікаў будаўніцтва і прамысловасці будаўнічых матэрыялаў

Сяргей Ігаравіч уручыў падзячныя лісты і каштоўныя падарункі ў грашовым выражэнні камбайнерам Сяргею Касцюковічу, Руслану Маляўку і Аляксандру Лобачу з СПФ "Заазер'е" ААТ "Віцебскі мясакамбінат", і зрабіў гэта госць проста ў полі, каб не адцягваць надоўга ад працоўнага працэсу аграрыяў.

Хлопцы, выказваем вам шчырую падзяку за дасягненне высокіх паказчыкаў на ўборцы ўраджаю 2024 года.

Вашыя вынікі — гэта прыклад разумнага гаспадарання чалавека на зямлі, паказчык прафесіяналізму, майстэрства, дысцыпліны, зладжанасці ў працы працоўнага калектыву.

Жадаем вам не спыняцца на дасягнутым і рухацца толькі наперад!

Няхай далейшым вашым поспехам спрыяюць сучасныя тэхналогіі, надзейная тэхніка, урадлівыя палі! - адзначыў Сяргей Ігаравіч.