01.06.2022

Шчаслівыя бацькі атрымалі пасведчанне аб нараджэнні ў Міжнародны дзень абароны дзяцей

Штогод у першы дзень лета адзначаецца Міжнародны дзень абароны дзяцей – свята, закліканае прыцягнуць увагу грамадскасці да дзіцячых праблем.

Наша краіна з першых дзён свайго станаўлення клапоціцца аб дабрабыце і развіцці кожнага дзіцяці. У 1993 годзе быў прыняты Закон «Аб правах дзіцяці», прысвечаны правам дзяцей Рэспублікі Беларусь.

Напярэдадні гэтага выдатнага свята аддзел загса Лепельскага райвыканкама ўручыў памятны падарунак і пасведчанне аб нараджэнні сыночка Нікіфара маладой сям'і Паўлу і Дыяне Дзівін. У іх гэта ўжо другі сын. Ну а мы спадзяемся, што яны зноў вернуцца да нас у загс за рэгістрацыяй нараджэння дачушкі! 

Эстафету віншаванняў у Дзень абароны дзяцей прыняў шчаслівы бацька - Масеўтаў Марат Равільевіч. Жонка Вольга падарыла яму дачушку Ангеліну. Гэта другое дзіця ў сям'і. Першынец -  хлопчык Данііл.

Дзяцінства - гэта самы лепшы час і яно абавязкова павінна быць шчаслівым!

Жадаем маладым бацькам паразумення, кахання, вясёлкавых планаў  і выдатных імгненняў бацькоўства і мацярынства!