Валанцёры БРСМ адпраўляюцца да людзей срэбнага ўзросту, каб дапамагчы ім ачысціць вуліцы і двары ад снегу

Лепельскія актывісты таксама не засталіся ўбаку ад добрай справы. Ініцыятыўныя дзеці аказваюць дапамогу ветэранам вайны і працы, адзінокім і адзінока пражываючым пажылым людзям. Валанцёры праводзяць працоўныя дэсанты па ўборцы снегу з прыдамавых тэрыторый, дапамагаюць бабулям і дзядулям у побыце.

Так, напрыклад, актывісты атрада "Добрае сэрца" з аграрна-тэхнічнага каледжа пад кіраўніцтвам педагога-арганізатара Святланы Стэльмах і першага сакратара РК ГА "БРСМ" Кацярыны Бараноўскай сёння наведалі Эмілію Данілаву. Эмілія Мечаславаўна - ветэран працы каледжа, якая адпрацавала тут больш за 20 гадоў.

- Як жа добра, што на дапамогу прыходзіць моладзь, якая не забывае пра ветэранаў. Дай Бог усім хлопцам здароўя і каб іх сэрцы заставаліся такімі ж добрымі заўсёды, - адзначыла Эмілія Мечаславаўна.

Дарэчы, падобныя ініцыятывы БРСМ у зімовы перыяд сталі ўжо добрай традыцыяй.