02.12.2024

Снежань аб'яўлены ў Беларусі месяцам гастранамічнага турызму

Беларуская кухня багатая на стравы з бульбы, мяса і малочных прадуктаў, якія гатуюцца па старажытных рэцэптах, якія перадаюцца з пакалення ў пакаленне. Да традыцыйных адносяцца дранікі, верашчака, бабка, мачанка, калдуны, клёцкі.

Беларускія кухары і рэстаратары актыўна эксперыментуюць з традыцыйнымі рэцэптамі, ствараючы новыя.

Таксама турыстам прапануюць наведаць мясцовыя фермы, сыраварні, бровары, вытворчасці, паспрабаваць прадукты ад вытворцаў. У розных гарадах праводзяцца гастранамічныя фестывалі.

Шырока развіты гастранамічны турызм і на Лепельшчыне. Традыцыйная страва "Клёцкі з душамі", стравы з цёртай бульбы - дранікі, бульбяныя бліны, бабка - з'яўляюцца нематэрыяльнымі гісторыка-культурнымі каштоўнасцямі.