04.04.2025

Адбылося пасяджэнне савета грамадскага пункта аховы правапарадку, на якім разгледжаны жыццёвыя сітуацыі лепельчан

На пасяджэнні былі разгледжаны асобы, схільныя да праявы гвалту ў сям'і, якія вядуць асацыяльны лад жыцця, якія ўхіляюцца ад працоўнай дзейнасці, злоўжываюць спіртнымі напоямі. З дадзенай катэгорыяй грамадзян былі праведзены прафілактычныя гутаркі аб недапушчальнасці здзяйснення правапарушэнняў у далейшым.

Таксама разгледжаны пытанні аб рабоце па папярэджанні траўматызму і гібелі людзей пры выкарыстанні газавага абсталявання, правілах бяспечнага карыстання газам у побыце, а таксама аб прафілактыцы няшчасных выпадкаў на вытворчасці і ў побыце, звязаных з паразай электрычным токам.