02.12.2025

Адбылося пасяджэнне савета грамадскага пункта аховы правапарадку, на якім разгледжаны жыццёвыя сітуацыі лепельчан

Члены САПАП правялі з кожным грамадзянінам прафілактычныя гутаркі, дзе ім паказалі на неабходнасць строгага выканання заканадаўства, на меры адказнасці за асацыяльны лад жыцця, неабходнасць афіцыйнага працаўладкавання.

Савет таксама папярэдзіў аб магчымых наступствах у выпадку працягу падобных паводзін у будучыні.

Акрамя гэтага, была заслухана інфармацыя аб стане працоўнай і грамадскай дысцыпліны ў філіяле "Лепельскі хлебазавод" ААТ "Віцебскхлебпрам", аб правядзенні прафілактычнай работы з асобамі, якія здзяйсняюць правапарушэнні ў сферы сямейна-бытавых адносін, з асобамі, якія злоўжываюць спіртнымі напоямі.

Таксама абмеркавалі мерапрыемствы, накіраваныя на прыняцце эфектыўных мер па супрацьдзеянні кіберзлачынствам, прафілактыцы здзяйснення, павышэнню лічбавай пісьменнасці сярод дарослага насельніцтва.