03.01.2025

Зусім хутка - 30 студзеня 2025 года - Бярэзінскі біясферны запаведнік адзначыць 100-гадовы юбілей

З нагоды грандыёзнай даты ЛК запускае спецыяльную рубрыку, дзе будзе дзяліцца з нашымі чытачамі цікавымі фактамі аб знакамітым прыродаахоўным комплексе Еўропы

Бярэзінскі біясферны запаведнік - гэта адзіная на тэрыторыі Рэспублікі Беларусь асабліва ахоўваемая прыродная тэрыторыя самага высокага рангу. Унікальны прыродны комплекс, які ўключае ў сябе выключную разнастайнасць розных тыпаў лясоў, лугоў і балот, унікальны пойменны комплекс ракі Бярэзіны, мноства вялікіх і малых рэк, непаўторныя азёры.

30 студзеня 1925 года Савет Народных Камісараў БССР у мэтах аховы і размнажэння каштоўных дзікіх жывёл, асабліва рачных баброў, выдаў Дэкрэт "Аб заснаванні дзяржаўнага паляўнічага запаведніка ў Барысаўскай акрузе" – Бярэзінскага запаведніка.