09.07.2025

Спосабы атрымання фізічнымі асобамі паведамлення на выплату маёмасных падаткаў за 2024 год

У 2025 годзе плацельшчыкам - фізічным асобам трэба будзе выплацiць зямельны падатак, падатак на нерухомасць і транспартны падатак (далей – маёмасныя падаткі) цалкам за 2024 год.

Падставай для выплаты маёмасных падаткаў за 2024 год з'яўляецца:

- паведамленне падатковага органа ўстаноўленай формы, якое будзе ўручацца плацельшчыку ў тэрмін не пазней за 1 кастрычніка 2025 года (далей - паведамленне за 2024 год);

- звесткі аб сумах маёмасных падаткаў, якія падлягаюць выплаце адзіным маёмасным плацяжом, якія змяшчаюцца ў АРІП.

Як і ў мінулым годзе паведамленне за 2024 год будзе ўручацца плацельшчыкам шляхам накіравання яго з дапамогай паштовай сувязі, за выключэннем тых фізічных асоб, хто даў сваю згоду на атрыманне паведамлення праз Асабісты кабінет плацельшчыка.

Такая згода можа быць выказана фізічнай асобай або яго прадстаўніком пры атрыманні ўліковага запісу і пароля, а таксама шляхам прастаўлення адзнак у асабістым кабінеце плацельшчыка.

Інтэрнэт-сэрвіс "Асабісты кабінет плацельшчыка" рэалізаваны для безкантактных зносін фізічных асоб з падатковымі органамі.

Пералік магчымасцяў сэрвісу пастаянна пашыраецца і дазваляе хутка атрымаць тую ці іншую інфармацыю, у тым ліку, і паведамленне на выплату маёмасных падаткаў.

У выпадку, калі фізічныя асобы не зарэгістраваныя ў якасці карыстальнікаў сэрвісу "Асабісты кабінет плацельшчыка" яны могуць атрымаць доступ да яго ў выглядзе лагіна і пароля трыма спосабамі:

- у любым падатковым органе асабіста (пры сабе неабходна мець пашпарт або від на жыхарства ў Рэспубліцы Беларусь);

- праз партал Міністэрства па падатках і зборах Рэспублікі Беларусь (www.nalog.gov.by) пасродкам ідэнтыфікацыі з выкарыстаннем міжбанкаўскай сістэмы ідэнтыфікацыі (МСІ);

- праз партал Міністэрства па падатках і зборах Рэспублікі Беларусь (www.nalog.gov.by) з дапамогай ідэнтыфікацыі з выкарыстаннем нумароў мабільных аператараў.

Афіцыйны сайт МПЗ

https://nalog.gov.by/news/31399/?sphrase_id=53376257