04.12.2025

Сталі вядомыя вынікі абласнога этапу рэспубліканскага конкурсу "ТэхнаЁлка", у якім актыўны ўдзел кожны год прымаюць навучэнцы Лепельскага дзяржаўнага аграрна-тэхнічнага каледжа

Конкурс накіраваны на выяўленне і падтрымку таленавітых навучэнцаў, прапаганду інавацыйных ідэй і развіццё аб'яднанняў па інтарэсах у тэхнічнай сферы.

37 устаноў сярэдняй спецыяльнай адукацыі прадставілі больш за 233 творчыя работы, выкананыя з традыцыйных і інавацыйных матэрыялаў, такіх як дрэва, шкло, гума, шышкі, звычайная папера і інш.

Прыемна адзначыць, што ў намінацыі "Сімвал года-2026" навучэнец каледжа Глеб Падлобны заняў 1 месца.

Віншуем Глеба і яго кіраўніка Аляксандра Хацкевіча з перамогай!

Лепельская тэхнаёлка разам з іншымі лепшымі экспанатамі хутка будзе накіравана ва ўстанову адукацыі "Нацыянальны дзіцячы тэхнапарк" для ўдзелу ў заключным этапе рэспубліканскага конкурсу "ТэхнаЁлка".