25.08.2023

Старшыня Віцебскай абласной арганізацыі Беларускага прафесійнага саюза работнікаў будаўніцтва і прамысловасці будаўнічых матэрыялаў Сяргей Вовк падзякаваў аграрыям Лепельшчыны за добрасумленную працу

Сёння Лепельскі раён наведаў Сяргей Вовк, старшыня Віцебскай абласной арганізацыі Беларускага прафесійнага саюза работнікаў будаўніцтва і прамысловасці будаўнічых матэрыялаў.

Прадстаўнік прафсаюзнага руху прыбыў, каб выказаць словы падзякі і ўдзячнасці працаўнікам сельскагаспадарчых устаноў.

За актыўны ўдзел і добрасумленную работу па ўборцы ўраджаю 2023 года Сяргей Ігаравіч уручыў падзяку і спецыяльную прэмію Аляксандру Балотніку, старшаму камбайнеру СПФ «Заазер'е» ААТ «Віцебскі мясакамбінат».

Такой жа ўзнагароды быў удастоены і Ляйко Сяргей, вадзіцель КУПСГП «Лепельскае». Сёлета ўборачная кампанія выдалася, як ніколі, напружанай. Фарміраванне ўраджаю збожжавых каласавых адбывалася ва ўмовах часам нават блізкіх да экстрэмальных з-за адсутнасці вільгаці. Тым не менш, у гэтым годзе, як і заўсёды, лепельчане будуць з хлебам.