15.07.2025

Будаўнічыя работы на сацыяльным аб'екце Лепеля – дзіцячым доме сямейнага тыпу

І зноў на Лепельскай зямлі прадстаўнікі і валанцёры Міжнароднага дабрачыннага грамадскага аб'яднання "ЭкаБудаўнік" і грамадскай арганізацыі "Дамы замест Чарнобыля" выконваюць будаўнічыя работы на сацыяльным аб'екце Лепеля - дзіцячым доме сямейнага тыпу

12 добраахвотнікаў з Беларусі ва ўзросце ад 18 да 23 - з універсітэтаў БДУ, БНТУ, Мінскага дзяржаўнага лінгвістычнага ўніверсітэта і Лепельскага дзяржаўнага аграрна-тэхнічнага каледжа не толькі працуюць, але і абменьваюцца вопытам, маюць зносіны.

Павітала гасцей намеснік старшыні райвыканкама Вераніка Хомбак:

- Ваша жаданне прыйсці на дапамогу і ўдзельнічаць у будаўніцтве - гэта не толькі праява грамадзянскай пазіцыі, але і сапраўдны акт дабрыні і ўзаемадапамогі. Вы - прыклад для пераймання, і ваша актыўная пазіцыя служыць стымулам для іншых. Няхай кожны дзень работа прыносіць вам радасць і задавальненне!

Валанцёры выканаюць за 2 тыдні рэканструкцыю дзіцячага дома сямейнага тыпу па вуліцы Лабанка: з'явіцца 2-гі паверх з жылым пакоем 31 кВ.м., санвузел, лесвіца. А ўвогуле плошча дома павялічыцца на 62 кв. м. Таксама вырабляецца дэмантаж ашалёўкі дома, пасля чаго будзе выканана ўцяпленне яго экаматэрыялам - трыснягом.

Пасля працы на Лепельшчыне валанцёры адправяцца на будоўлю аб'екта сацыяльнага прызначэння ў Германію.

Для дзяцей падрыхтаваны пазнавальныя экскурсійныя праграмы ў Лепелі, а ў выхадныя яны наведаюць трысняговую вытворчасць у Мядзельскім раёне, азнаёмяцца з аднаўляльнымі крыніцамі энергіі і сучаснымі ачышчальнымі збудаваннямі. Таксама наведаюць мемарыяльны комплекс "Хатынь".