21.01.2026

Таемная каса: як прадавец шын у Лепелі апынуўся пад следствам

28-гадовы ІП, працуючы прадаўцом шын, прысвоіў больш за 17 700 рублёў наяўнай выручкі (з кастрычніка па лістапад 2025 года). Арганізацыя атрымлівала толькі безнаяўныя плацяжы, а наяўныя прадпрымальнік пакідаў сабе.

Трывогу забілі, калі высветлілася: тавар прадаецца добра, але грашовыя паступленні на рахунку кампаніі не адпавядаюць аб'ёму рэалізаваных тавараў. Праверка пацвердзіла нястачу, матэрыялы былі перададзеныя ў следчыя органы, распачатая крымінальная справа. На допыце падазраваны прызнаўся, што пайшоў на парушэнне закона з‑за назапашаных даўгоў. Пры гэтым раней мужчына не меў праблем з законам – да крымінальнай адказнасці яго не прыцягвалі. Расследаванне працягваецца. Аднак ужо на бягучым этапе фігурант цалкам кампенсаваў нанесеную шкоду.

Паводле ч. 3 арт. 211 КК РБ фігуранту пагражаюць: абмежаванне волі (2-5 гадоў) альбо пазбаўленне волі (2-7 гадоў) са штрафам або без, магчыма пазбаўленне права займаць пэўныя пасады.