08.05.2025

Урачысты мітынг напярэдадні Дня Перамогі сабраў сёння мясцовую ўладу і жыхароў аграгарадка Стаі

Тут, ля памятнага знака загінуўшым у гады Вялікай Айчыннай вайны, сустрэліся старшыня сельсавета Аксана Церашкова, прадстаўнікі Камуністычнай партыі Беларусі, выхаванцы дзіцячага садка, школьнікі і многія неабыякавыя.

9 мая, Дзень Перамогі... Для беларусаў гэта святое свята, даніна памяці, глыбокай павагі і ўдзячнасці савецкім воінам, працаўнікам тылу, партызанам і падпольшчыкам – усім, хто набліжаў Перамогу. Перажытая трагедыя і дасягнутая Перамога -вечная крыніца болю і горычы, гонару і славы беларускага народа.

Удзельнікі мітынгу ўсклалі вянкі і кветкі да памятнага месца, а таксама ўсе разам праспявалі "Дзень Перамогі".