26.04.2025

Традыцыйны Дзень прызыўніка прайшоў у Лепельскім РДК

Ваенны камісар Лепельскага і Ушацкага раёнаў камісар Юрый Аляшкоўскі адзначыў, што прызыўнікі дэманструюць усвядомлены падыход і нават энтузіязм – ніхто не шукае спосабаў ухіліцца ад службы. У рамках мерапрыемства прайшлі ваенна-спартыўныя спаборніцтвы па рыштунку магазiна на час, няпоўнай разборцы аўтамата і стральбе з пнеўматычнай зброі. Лепшыя прызыўнікі і навучэнцы атрымалі граматы і салодкія прызы. Сярод тых, хто вызначыўся: прызыўнік Дзяніс Навіцкі, які паказаў лепшы вынік у рыштунку магазiна; Хоміч Яраслаў (СШ 3) стаў лепшым у стральбе, а Гадас Уладзіслаў (гімназія) - у выкананні нарматыву па няпоўнай разборцы аўтамата АК-74. З пажаданнем да будучых салдат разам з ваенным камісарам звярнуліся благачынны Лепельскай акругі Сергій Ляшкевіч і намеснік старшыні Лепельскай раённай арганізацыі "Беларускі саюз афіцэраў" Валерый Ляшчонак.