15.10.2024

У атмасферы ўзаемаразумення і зацікаўленасці прайшла сёння сустрэча працоўнай моладзі і кіраўніцтва Бярэзінскага біясфернага запаведніка

Адкрыты дыялог, у якім маладыя людзі маглі наўпрост задаць пытанне дырэктару запаведніка Андрэю Пракошыну, яго намесніку Марыне Гардзей і першаму сакратару раённага камітэта ГА БРСМ Кацярыне Бараноўскай, сабраў як маладых спецыялістаў, так і моладзь, якая не першы год працуе ва ўстанове.

Пытанні жылля, арганізацыі вольнага часу, працягу вучобы, папулярызацыі прафесіі адкрыта і на роўных абмеркавалі за "круглым сталом".

"Лічу, што ўзаемадзеянне з працуючай моладдзю - адзін з асноўных напрамкаў работы нашай арганізацыі. Яны наш касцяк і рухаючая сіла. Ад іх актыўнай пазіцыі залежыць, як мы будзем жыць далей", - адзначыла Кацярына Бараноўская, першы сакратар РК ГА БРСМ.

Нагадаем, у 2025 годзе Бярэзінскі біясферны запаведнік адзначыць вялікі юбілей - 100-годдзе з дня ўтварэння.