03.09.2024

У Лепелі сёння адкрыўся фізкультурна-аздараўленчы цэнтр з басейнам. Доўгачаканы падарунак лепельчане атрымалі напярэдадні 585-годдзя роднага горада

Цырымонія адкрыцця стала яркім святам, а радасць ад падзеі разам з жыхарамі раёна падзялілі ганаровыя госці - Вячаслаў Дурноў, намеснік старшыні Віцебскага аблвыканкама, Міхаіл Кісялевіч, кіраўнік раёна, Віктар Азаронак, дэпутат Палаты прадстаўнікоў Нацыянальнага сходу Рэспублікі Беларусь, Дзяніс Фацееў, начальнік упраўлення спорту і турызму аблвыканкама, Вераніка Хомбак, намеснік старшыні райвыканкама і іншыя.

На пляцоўцы перад цэнтрам сабраліся жыхары горада. Лепельчане шчыра радаваліся адкрыццю новага аб'екта, які бясспрэчна стане адным з самых наведваемых на Лепельшчыне.