15.11.2024

У Лепельскім дзяржаўным аграрна-тэхнічным каледжы прайшло святочнае мерапрыемства, прымеркаванае да Дня работнікаў сельскай гаспадаркі і перапрацоўчай прамысловасці

Гэтае свята мае асаблівае значэнне для навучэнцаў каледжа, бо ў многіх будучая прафесійная дзейнасць будзе звязана менавіта з сельскай гаспадаркай. Хлопцы выбралі цяжкую, але важную спецыяльнасць - працаваць на зямлі і гарантаваць харчовую бяспеку краіны.

Установа з'яўляецца галоўнай кузняй кадраў для сельгаспрадпрыемстваў нашага і іншых раёнаў. За гісторыю існавання тут падрыхтавана цэлае працоўнае войска высакакласных спецыялiстаў.

Заслужаныя ўзнагароды ў гэты дзень атрымалі не толькі лепшыя навучэнцы, але і педагогі, якія сёлета змагаліся за ўраджай разам з працаўнікамі вёскі.