19.05.2024

У Лепельскім раёне ратавальнікі дапамаглі выйсці з лесу жанчыне, якая заблукала

17 мая ў 15.30 ратавальнікам патэлефанавала жанчына і сказала, што яна заблукала ў лясным масіве паблізу вёскі Весялова Лепельскага раёна.

33-гадовая жанчына адправілася ў лес для збору шчаўя і праз некаторы час заблукала. Зрабiўшы спробы выйсці самастойна яна вырашыла патэлефанаваць ратавальнікам. Працаўнікі МНС, якія прыбылі да месца, уключылі сігнальна-размаўляючую прыладу аўтацыстэрны і жанчына, пачуўшы сігнал, выйшла на дарогу. У медыцынскай дапамозе яна не мела патрэбу.