12.09.2025

У Лепельскай раённай арганізацыі РГА "Беларускае таварыства Чырвонага Крыжа" новы кіраўнік: такое рашэнне было прынята на чарговай справаздачна-выбарчай канферэнцыі

Удзел у мерапрыемстве прынялі Святлана Шавялёва, начальнік аддзела ідэалагічнай работы і па справах моладзі райвыканкама, старшыня Віцебскай абласной арганізацыі РГА "Беларускае таварыства Чырвонага Крыжа" Галіна Жаланава, а таксама яе намеснік Міхаіл Мярзляк.

У ліку галоўных пытанняў парадку дня - выбары старшыні раённай арганізацыі. Шляхам галасавання ім абраная Вольга Масеутава. Ва ўрачыстай абстаноўцы дзяўчыне былі перададзены паўнамоцтвы ад папярэдняга лідара арганізацыі Алены Сухаміравай.

Звяртаючыся да прысутных, галоўны ідэолаг раёна Святлана Шавялёва адзначыла, што члены раённай арганізацыі ўдзельнічаюць не толькі ў акцыях, якія праводзяцца ўстановамі адукацыі, аховы здароўя, сацыяльнай абароны, але і ў грамадска-палітычным жыцці раёна і краіны. Таксама выказаў упэўненасць, што работа раённай арганізацыі выйдзе на якасна новы ўзровень.

Галіна Жаланава падзялілася вопытам дзейнасці абласной арганізацыі. Распавяла пра бізнес-ініцыятывы, дапамогу нерэгулярным мігрантам, пошук партнёраў. Асабліва адзначана работа інструктараў па першай дапамозе.