16.01.2025

Ужо стала добрай традыцыяй на Лепельскай зямлі збірацца ў студзені ў раённым Доме культуры на штогадовы міжшкольны фестываль "Віфлеемская зорка"

І прысвечаны ён важнаму і радаснаму хрысціянскаму святу - Раству Хрыстову

З прывітальным словам на адкрыцці мерапрыемства выступіў старшыня раённага Савета дэпутатаў Ігар Урбан: 

- Добрыя традыцыі калядных дзён перадаюцца з пакалення ў пакаленне, напаўняюць сэрцы надзеяй і верай, любоўю і міласэрнасцю, робяць нас моцнымі перад любымі выпрабаваннямі, умацоўваюць веру ў свае сілы, дапамагаюць пераадольваць цяжкасці, даюць упэўненасць у заўтрашнім дні.

Да прысутных таксама звярнуўся благачынны Лепельскай акругі протаіерэй Сергій Ляшкевіч, які ў сваім выступленні нагадаў аб неабходнасці ў наш час духоўнага ўмацавання і звяртання народа да Бога.

На працягу ўсяго мерапрыемства ў песнях, вершах і танцах юныя артысты з навучальных устаноў Лепельшчыны, выхаванцы нядзельных школ, расказвалі гісторыю з'явы ў свет Баганемаўля Ісуса.