02.06.2025

У Дзень абароны дзяцей у касцёле святога Казіміра горада Лепеля адбыўся канцэрт навучэнцаў па класе скрыпкі Лепельскай ДШМ, кіраўніком якога з'яўляецца Валянціна Дзігілева

Усе прысутныя пагрузіліся ў свет мастацтва і нацешыліся талентам юных музыкаў, якія з трапятаннем і любоўю прадставілі свае творы. Іх выкананне напоўніла прастору касцёла пяшчотнымі мелодыямі, ствараючы атмасферу глыбокай эмацыйнай сувязі паміж выканаўцамі і слухачамі.

Гэты дзень стаў не толькі святам музыкі, але і момантам яднання з выдатным, у асяроддзі духоўнай атмасферы касцёла.

У кожным творы гучала шчырасць і імкненне данесці да гледачоў свае пачуцці, што зрабіла канцэрт незабыўнай падзеяй для ўсіх прысутных.

Канцэрт у храме — гэта не толькі сустрэча з мастацтвам, але і магчымасць дакрануцца да нечага большага, адчуць духоўную сувязь з навакольным светам.