17.11.2025

У фізкультурна-аздараўленчым цэнтры прайшло рэспубліканскае адкрытае першынство Лепельскага раёна па гандболе сярод дзяўчат

У фізкультурна-аздараўленчым цэнтры прайшло рэспубліканскае адкрытае першынство Лепельскага раёна па гандболе сярод дзяўчат 2015-2017 гадоў нараджэння на прызы ТАА "Арцынгер Лігал".

Удзел у першынстве прынялі каманды з розных куткоў Беларусі

На ўрачыстым адкрыцці спартыўнага мерапрыемства прысутнічаў адзін з лепшых гульцоў сусветнага гандбола Пухоўскі Барыс.

З прывітальным словам да спартсменаў звярнуўся загадчык сектара спорту райвыканкама Юрый Мілы, які пажадаў удзельнікам прыгожай, сумленнай барацьбы, а таксама адзначыў, што ўдзельнічаючы ў такіх спаборніцтвах, моладзь рэгіёна актыўна падтрымлівае здаровы лад жыцця.

Таксама павітаў удзельнікаў спаборніцтваў дырэктар ТАА "Арцынгер Лігал" Сяргей Машонскі.

Вынікі спаборніцтваў:

1 месца — РЦАР (Мінск);

2 месца — Лепель;

3 месца — СКА (Мінск).

Пасля спаборніцтваў для юных лепельчан адбыліся інтэрв'ю і аўтограф-сесія з удзелам Барыса Пухоўскага.

Барыс Пухоўскі — фігура для беларускага гандбола суверэннай пары без перабольшання культавая

Дзясяткі разоў ён выводзіў зборную краіны на матчы чэмпіянатаў свету і Еўропы з капітанскай павязкай, правёў у яе складзе амаль дзве сотні гульняў і з вялікім адрывам лідзіруе ў спісе лепшых бамбардзіраў у гісторыі нацыянальнай каманды.

— На сённяшні дзень у мае абавязкі ўваходзіць развіццё рэгіянальнага гандбола. Чым лепш мы будзем гэта ўсё развіваць, тым больш моцных хлопцаў будзе прыязджаць у моцныя клубы. Для мяне важна, каб у галоўных трэнераў была вялікая колькасць кадраў, каб яны маглі выбіраць лепшых.