13.05.2025

У Лепельскім раённым выканаўчым камітэце спецыялісты сустрэліся на пасяджэнні камісіі па справах непаўналетніх

Членамі камісіі выступілі прадстаўнікі ўсіх зацікаўленых суб'ектаў прафілактыкі. На парадак дня пасяджэння былі вынесены пытанні, звязаныя з адміністрацыйнымі матэрыяламі, матэрыяламі аб становішчы спраў у сем'ях, з якіх адабраныя дзеці.

– Мэта сённяшняга пасяджэння – расказаць дзецям і іх законным прадстаўнікам аб супрацьпраўным характары ўчыненых дзеянняў і іх прававых наступствах, – адзначыла старшыня камісіі па справах непаўналетніх Лепельскага райвыканкама Вераніка Хомбак. – Разглядаючы становішча спраў у сем'ях, у якіх непаўналетнія прызнаныя маючымі патрэбу ў дзяржаўнай абароне, камісія каардынуе дзеянні суб'ектаў прафілактыкі. Усё гэта робіцца для таго, каб ліквідаваць неспрыяльную, небяспечную сітуацыю для дзяцей і аднавіць сям'ю, – пракаментавала Вераніка Аляксандраўна.

Члены камісіі разгледзелі каля 15 пратаколаў, сярод якіх былі пра навучэнцаў аграрна-тэхнічнага каледжа, якія прапускалі заняткі і здзяйснялі дрэнныя ўчынкі. 

– Пропускі заняткаў – яшчэ адна праблема, з якой мы сутыкаемся. Нагадаю, што адзін з крытэраў сацыяльна небяспечнага становішча – незадавальненне бацькамі асноўных жыццёвых патрэб дзіцяці, у прыватнасці стварэнне перашкод для атрымання дзіцём абавязковай агульнай сярэдняй адукацыі, для яго агульнага развіцця і адаптацыі ў соцыуме, а таксама папушчэнне магчымых негатыўных уплываў на падлетка звонку, – падсумавала Вераніка Аляксандраўна.