17.11.2025

У механізаванай брыгадзе Заслонаўскага гарнізона прайшло ўрачыстае ўзнагароджанне ваеннаслужачых

У механізаванай брыгадзе Заслонаўскага гарнізона прайшло ўрачыстае ўзнагароджанне ваеннаслужачых, якія ўнеслі значны ўклад ва ўмацаванне абараназдольнасці Рэспублікі Беларусь і дасягнулі высокіх вынікаў у баявой падрыхтоўцы ў 2024/2025 навучальным годзе.

Па выніках года брыгада была ўдастоена звання лепшай механізаванай брыгады Паўночна-Заходняга аператыўнага камандавання, а таксама лепшага палігона Узброеных Сіл. Прызнанне атрымалі бранятанкавая служба, служба радыяцыйнай, хімічнай і біялагічнай абароны, юрыдычная служба, а таксама злучэнне з найлепшым маральна-псіхалагічным станам Паўночна-Заходняга аператыўнага камандавання.

Пераходныя прызы, памятныя падарункі і сувеніры сталі сімвалам павагі да службы і адданасці справе кожнага з узнагароджаных.

Сёння гвардзейцы адыгрываюць ключавую ролю ў забеспячэнні ваеннай бяспекі краіны. Іх прафесіяналізм, самаадданасць і гатоўнасць да выканання любых задач з'яўляюцца залогам стабільнасці і абароны дзяржавы.