10.02.2025

У Нацыянальным мастацкім музеі Беларусі 11 лютага адкрыецца фотавыстава "У свеце запаведнай прыроды"

Фотапраект "У свеце запаведнай прыроды" прымеркаваны да святкавання 100-годдзя дзяржаўнай прыродаахоўнай установы "Бярэзінскі біясферны запаведнік" Кіраўніцтва справамі Прэзідэнта Рэспублікі Беларусь - найстарэйшай у Беларусі і адзінай ахоўнай тэрыторыі такога рангу.

У экспазіцыі прадстаўлены каля 50 работ фотамастака Дзяніса Іўковіча, навуковага супрацоўніка Бярэзінскага біясфернага запаведніка, лаўрэата спецыяльнай прэміі Міністэрства прыродных рэсурсаў і аховы навакольнага асяроддзя па выніках рэспубліканскага творчага фотаконкурсу "Скарбы нацыі".

Выстава будзе працаваць па 17 лютага 2025 года.