04.04.2025

У рамках Года добраўпарадкавання працоўны дэсант сёння адправіўся добраўпарадкоўваць тэрыторыю могілак і храм святога велікамучаніка Георгія Перамаганосца

У ліку актывістаў - прадстаўнікі раённай арганізацыі Рэспубліканскай партыі працы і справядлівасці разам са старшынёй Алесяй Ерашовай, РК ГА БРСМ, супрацоўнікі прыватнага ўнітарнага прадпрыемства "Малееў-сэрвіс" разам з дырэктарам Іллёй Малеевым, які таксама з'яўляецца членам партыі.

Таксама член партыі працы і справядлівасці, дырэктар ПУП "Лепельводбуд" Яўген Пад'ячоў аказаў спонсарскую дапамогу на будаўнічыя матэрыялы, а старшыня першаснай прафсаюзнай арганізацыі цэнтра для забеспячэння дзейнасці бюджэтных арганізацый Лепельскага раёна Таццяна Стрыжанок уручыла благачыннаму Лепельскай акругі протаіерэю Сергію Ляшкевічу падарункавы сертыфікат на суму 100 рублёў на будаўнічыя матэрыялы.

Айцец Сергій распавёў пра храм святога велікамучаніка Георгія Перамаганосца, гісторыю многіх значных пахаванняў.