04.04.2025

Ва Ульянаўску адбыліся перамовы прадстаўнікоў бізнесу

Ад Віцебскай вобласці ўдзел прынялі прадстаўнікі ААТ "Вымяральнік", ПГУП "Вітбудтэхмаш", Аршанскага інструментальнага завода, Лепельскага рамонтна-механічнага завода, а таксама завода "Эвістар".

Адбылася сустрэча ва ўрадзе Ульянаўскай вобласці.

Сустрэча — вынік дамоўленасцяў Аляксандра Субоціна і Аляксея Рускіх падчас XI Форуму рэгіёнаў Беларусі і Расіі, які праходзіў у Віцебску.

У нашых рэгіёнаў вельмі падобная структура прамысловасці і эканомікі. Мы выбралі прыярытэтным напрамкам у рамках візіту станкабудаванне і машынабудаванне. У нас гэтыя напрамкі вельмі развітыя — больш за 50 прадпрыемстваў, якія выпускаюць тэхніку для камунальнай гаспадаркі, сельскай гаспадаркі, камплектацыю для станочнага абсталявання. Іншымі перспектыўнымі сферамі для супрацоўніцтва з'яўляюцца фармацэўтыка і біятэхналогіі, кампазітная вытворчасць, харчовая прамысловасць, ЖКГ. Таксама бакі дамовіліся аб развіцці супрацоўніцтва ў культурна-гуманітарнай сферы.

У сустрэчы прынялі ўдзел старшыня камітэта эканомікі Віцебскага аблвыканкама Дзмітрый Навацкі, а таксама старшыні Браслаўскага і Лепельскага райвыканкамаў.

Віцебская і Ульянаўская вобласці плануюць падпісаць пагадненне аб супрацоўніцтве на XII Форуме рэгіёнаў Расіі і Беларусі ў Ніжнім Ноўгарадзе.