02.06.2025

Ва УА "Лепельскі дзяржаўны аграрна-тэхнічны каледж" для вытворчай дзейнасці ўстаноўлена сістэма паралельнага аўтаваджэння TTZ Pro

Гэта дазволіць палепшыць навучанне навучэнцаў на практыцы і павысіць іх прафесійную падрыхтоўку ў галіне сельскай гаспадаркі.

Сістэма TTS Pro, таксама вядомая як агранавігатар або курсаўказальнік, забяспечвае дакладнае кіраванне тэхнікай, мінімізуючы перакрыцці і пропускі пры апрацоўцы палёў. Яна будзе карысная для навучання студэнтаў навыкам дакладнага земляробства, якое дазваляе аптымізаваць выкарыстанне рэсурсаў і павысіць эфектыўнасць сельскагаспадарчай вытворчасці.

Дарэчы, такі каштоўны падарунак установа атрымала на свяце "Дажынкі-2024" ад ТАА "Тэхналогія земляробства". Кошт абсталявання 20 тысяч рублёў.