02.10.2025

Ва ўпраўленні па працы, занятасці і сацыяльнай абароне райвыканкама прайшоў кірмаш вакансій для асоб "срэбнага" ўзросту, інвалідаў, якія маюць прафесійныя і працоўныя рэкамендацыі

Ёсць грамадзяне, хто ўжо зарабіў права на заслужаны адпачынак або набліжаецца да гэтага ўзросту, але яшчэ малады душой і поўны энергіі.

Што ж прапанавалі ім працадаўцы? Знайсці справу па душы прапанавалі больш за 10 арганізацый і прадпрыемстваў горада. Усяго ж на 1 кастрычніка ў Лепельскім раёне — 452 вакансіі.

Сярод прапанаваных — прыбіральнік тэрыторыі, рабочы па комплексным абслугоўванні будынкаў і збудаванняў, санітары, кухары, педагогі і іншыя спецыялісты.

Навучанне пад заказ, новыя правілы размяшчэння вакансій для працадаўцаў, апавяшчэнне ўпраўлення па працы, занятасці і сацыяльнай абароне райвыканкама аб скарачэнні работнікаў — спецыялісты арганізацый і прадпрыемстваў таксама змаглі атрымаць адказы на цікавячыя пытанні.