17.01.2025

У Віцебску прайшоў маштабны маладзёжны форум "Час тваіх магчымасцяў"

Гэта не толькі адукацыйная пляцоўка, але і натхняльная падзея, якая дае моладзі яшчэ больш інструментаў для самарэалізацыі

У Беларусі вельмі многае робіцца для моладзі, бо гэта наша сучаснасць і будучыня. На працягу двух дзён абласны форум для маладых спецыялістаў і працоўнай моладзі розных сфер, якія ўносяць свой уклад у развіццё рэгіёна, стане аб'яднаўчай пляцоўкай. На розных лакацыях яны даведаюцца аб дасягненнях суверэннай Беларусі, змогуць падняць праблемныя пытанні на сустрэчах, якія пройдуць з кіраўнікамі розных ведамстваў, – адзначыў намеснік начальніка галоўнага ўпраўлення ідэалагічнай работы і па справах моладзі аблвыканкама Вячаслаў Хрол.

Таксама было адзначана, што ідэя форуму заключаецца ў тым, каб удзельнікі мерапрыемства маглі пазнаёміцца адзін з адным, абмяняцца ініцыятывамі, кантактамі, каб у далейшым узаемадзейнічаць і развіваць свае прафесійныя навыкі. Праект складаецца з розных секцый: ад транспарту і сувязі да сельскай гаспадаркі і прамысловасці.

Удзельнікамі форуму сталі і нашы землякі - гэта маладыя прадстаўнікі прадпрыемстваў і арганізацый прамысловай сферы, сельскай гаспадаркі, будаўніцтва, адукацыі, культуры, лясной гаспадаркі і ЖКГ. Усяго ў складзе дэлегацыі ад Лепельскага раёна - 18 чалавек.